Funshine var stofnað árið 2009 af Kristínu Stefánsdóttur iðjuþjálfa. Úrval endurskinsmerka hjá Funshine hefur vaxið jafnt og þétt síðan þá en fyrsta endurskinsmerki Funshine var Ísland sem í fyrstu fékkst einungis í nokkrum litum en úrval lita fjölgaði fljótlega og eru margar tegundir í boði í dag. Ísland er enn eitt vinsælasta endurskinsmerki Funshine enda hæfir það fólki á öllum aldri, ferðamönnum og Íslendingum.

Funshine selur fjölbreytt úrval endurskinsmerkja og allir ættu að geta fundið eitthvað við hæfi: endurskinsmerki eða skínandi fylgihlut sem eykur sýnileika í skammdeginu.

• Því fleiri endurskinsmerki sem þú notar því betur sést þú í myrkri ef að ljósi er beint að þér!
• Það er gott að hafa í huga að við notkun endurskinsmerkja getur þú minnkað líkurnar á að verða fyrir bíl um 85%.
• Ökumaður bíls sem keyrir með háu ljósin kveikt sér gangandi vegfaranda með endurskinsmerki í 300 m fjarlægð en vegfaranda án endurskinsmerkja í 50 m fjarlægð!

Það eiga allir að geta fundið endurskinsmerki eða skínandi fylgihlut sem fellur í kramið. Annars vegar endurskinsmerki/skínandi fylgihlut sem allir taka eftir eða hins vegar endurskinsmerki/skínandi fylgihlut sem að fellur alveg að stíl viðkomandi. Þitt er valið!